Araka ny teny ifanomezana fahatelo ao amin’ny Madagasikara Am-Perinasa (MAP) : “Hanangana lamim-pampianarana avo lenta isika, na eo amin’ny lafi ny kalitao na eo amin’ny fahombiazana. Izany lamim-pampianarana izany dia handrisika ny mpianatra ho tia karokaroka ary hanampy azy hanatanteraka ny nofi nofi ny. Hanana ny olona ilaina i Madagasikara hahafahany mifaninana amin’ny fi renena hafa ary hahatonga azy ho mpandray anjara mahomby eo amin’ny toe-karena iraisam-pirenena”.

Ireo fanamby mifandraika amin’ny MAP dia :
• Manome fampivelarana ny ankizy rehetra alohan’ny fidirana an-tsekoly
• Manangana rafi tra fanabeazana fototra mahomby
• Manangana Kôlejy Filamatra
• Miady amin’ny tsy fahaizana mamaky teny sy manoratra

Ny rafi -pampianarana vaovao ho an’ny dingana voalohany dia natao mba
hahafahan’ny ankizy :
• Manana hakingana momba ny vakiteny sy ny matematika ary fahalalana sy fahaizamanao ilaina amin’ny fanohizany ny fi anarany
• Mba ho mpianatra kinga sy tia mianatra, manana toe-tsaina mahay mitsikera, ho olompirenena mahay mandray zava-baovao sady mahay mandanjalanja eo anivon’ny fiarahamonina misy azy

Ny tanjon’ny fanabeazana fototra :
Ho an’ny dingana voalohany
• Fahafehezan’ny ankizy tenim-pirenena sy teny vahiny
• Fananan’ny ankizy ireo fahalalana fototra, sy fahaiza-manao amin’ny matematika sy ny siansa sôsialy
• Fampivelarana ny fi tiavana mianatra

Ho an’ny fanabeazana fototra dingana faharoa :
• Fanofanana ny tanora hahafahany miditra amin’ny tontolon’ny asa na hanohy fanabeazana ambony
• Fampiroboroboana ao amin’ny tanora tsirairay ny fahaizana mamakafaka sy mikaroka amin’ny fanomezana azy ny fahalalana sy ny fahaiza-manao fototra mba hahafahany manapa-kevitra sy mamaha ny olana eo amin’ny fi ainany sy eo amin’ny asany