TAREHIMARIKA SAMIHAFA :

 Ho an’ny dingana voalohany
• Amin’ny taona 2010 dia miditra ao amin’ny taona voalohany amin’ny fanabeazana
fototra dingana voalohany daholo ny ankizy feno 6 ka hatramin’ny 7 taona rehetra,
• Amin’ny taona 2015 dia hanakaiky ny 100% ny taham-pahavitan’ny mpianatra ny
5 taona voalohany amin’ny dingana voalohany ary ho 65% ny fahavitany ny 7 taona,
• Atao izay hahazoan’ny mpianatra rehetra ny fahaiza-manao sy ny hakingana voafaritra
isaky ny fiafaran’ny dingana,
• Amin’ny taona 2015, dia hihena ho 5% ny tahan’ny famerenan-taona ho an’ny dingana
vaovao 7 taona.
Ho an’ny fanabeazana fototra dingana faharoa
Amin’ny taona 2015 dia :
• Mpianatra 728 000 no ho afaka mianatra eny amin’ny kôlejim-panjakana sy tsy
miankina nohavaozina,
• Ampitomboina ny salan’isa takina amin’ny fanadinana famaranana ny dingana faharoa
(BEPC),
• Tokony hihena ho latsaky ny 15 % ny tahan’ny fitsoahana an-daharana izay 30 %
amin’izao fotoana izao,
• Tokony hilatsaka ho 10% ny tahan’ny famerenan-taona izay 25 % teo aloha.

FANAPAHAN-KEVITRA PÔLITIKA LEHIBE : 

• Ho an’ny dimy taona voalohany ao amin’ny ambaratonga voalohany dia ny MALAGASY
no teny enti-mampianatra mba hahafahan’ny ankizy mampivelatra ny fahaizamanaony
amin’ny sehatra rehetra,
• Ny teny FRANTSAY dia ampianarina amin’ny maha teny vahiny azy ary hiova
miandalana ho teny enti-mampianatra ny taranja siansa sy teknôlôjia ao amin’ny taona faha 6 sy faha 7,
• Ny teny ANGLISY dia azo atomboka ao amin’ny taona faha 4, ary tsy maintsy ianarana
ao amin’ny taona faha 6 sy faha 7,
• Tsy tokony hisy ankizy ho voailika amin’ny sekoly fanabeazana fototra noho ny tsy
fahafahan’ny ray aman-dreniny mandoa ny anjarany amin’ny fampandehanana ny
sekoly.

NY FIRAFITRA VAOVAO HO AN’NY FANABEAZANA FOTOTRA :