Fiampitana avy amin’ny EPT 2005 ho amin’ny EPT 2007 Convertir en PDF

FANOVANA NY SEKOLY FANABEAZANA FOTOTRA DINGANA FAHAROA :

Ny fanovana :

  • Fandaharam-pianarana vaovao mifanaraka amin’ny filan’ny toekarena,
  • Boky sy fitaovana ho an’ny mpampianatra sy ny mpianatra,
  • Fifampiofanana sy tantsoroka eo anivon’ny tambanjotry ny sekoly,
  • Fanatsarana ny fomba fitantanana ny sekoly,
  • Ny Fiombonana antoka eo amin’ny Fanjakana sy ny sehatra tsy miankina.

Ny kôlejy filamatra :

Ny Kôlejy Filamatra dia hiparitaka amin’ny alalan’ireo tambanjotrana sekoly sy mpampianatry
ny fanabeazana fototra dingana faharoa, ahitana sekoly efatra ka hatramin’ny enina eo antoerana
(sekoly mpiara-miombona antoka) mba hanome :

  • Fahaiza-mitarika,
  • Fiofanana,
  • Fanaraha-maso an’ireo sekoly 4 ka hatramin’ny 6 mivondrona ao anaty tambanjotra iray.


Ny Kôlejy Filamatra dia hitantsoroka ireo sekoly 4 ka hatramin’ny 6 ao anatin’ny tambanjotra :

  • Fanofanana mpampianatra,
  • Fifanakalozana mpianatra sy mpampianatra,
  • Fifanakalozana traikefa,
  • Fanaovana tetikasa iombonana.

Hatao izany hanampiana ny fandaharam-pianarana sy fomba fampianarana vaovao.
Ny CISCO no misafidy ireo Kôlejy Filamatra araka ny masontsivana apetraky ny Minisitera.
Ny sekoly misokatra :
Ny Sekoly Misokatra dia manolotra safidy hafa noho ny fanabeazana ao anaty rafitra ary mety ho fanoitra lehibe amin’ny fanitarana ny dingana voalohany sy ny fanabeazana fototra dingana faharoa. Io sekoly io dia natao ho an’ireo ankizy sy tanora voatery nijanona nefa mbola te hanohy fianarana. Ny mpianatra misoratra ao amin’ity sekoly misokatra ho an’ny rehetra ity dia afaka miatrika ny fanadinana ôfisialy.
 
 
Copyright 2008 By Kboss Studio - Média Ressources